استفتتاحية
تحذير
ينصح بابتعاد الناس المسأفين (المثقفين سابقا) والمتحزلئين (المتحذلقين لاحقا) والحوامل ومرضى الفتاق والضغط والسكر والكلالى المزمنه..
والمستدونه غير مسئوله عن تضخم لوز البعض ( او حدوث اى مضاعفات) من جراء الهيافه الشديده لمحتويات المستدونه...
الجادون يمتنعون
إقرار
نقر نحن المستوقعين ادناه انه فى هذا اليوم فى ساعته وتاريخه قمنا باستفتاح هذه المدونه استفتاحه قشطه بعون الله...
اما بعد
ايمانا منا بأهمية وحتمية ولابدية فض الاشتباك بين السمك واللبن والتمر الهندى قمنا بإنشاء هذه المستدونة المخصصة لهذا الغرض فقط لا غير واذا لمح حد اى تشابه مع اى قضايا اخرى.. طلاق تلاته وانشالله ماوعى ماشوف عيالى اللى لسه ماخلفتهمش فهو تشابه غير مقصدون مقصدون مقصوووووود يا ولدى.....واى تشابه مقصود بين الشخصيات المرسومه وبين ايه زى وشباك فهو تشابه غير مقصود خالص.. مالص.. واكيد بالص..
زورونا تجدوا ما يَهِفّكم
المستوقعين ادناه
احنا الجوز
posted by AZ @ 3:44 AM
16 Comments:
At 12:24 PM,
السهروردى said…
قشطة مادام الجادون يمتنعون يبقى أنا معكوا ده لو فيه نظام معيلة و الذى منه أنا أبقى أبوه و لامؤاخدة
معايا شهادة يعامل معاملة أطفال
تنفع ؟
At 1:21 PM,
AZ said…
خد تيكت واقف فى آخر الطابور يا باشا
At 10:05 PM,
Ghada said…
التصميم روش مووووووووت
لحو أوي!!
والاستفتتاحية كمان :D
At 3:34 AM,
Guevara said…
يا خبر اسود عـ الهياس اللي حيحصل يا جدعااااااان
ربنا يستر
التصميم مش حلو .. التصميم فشيخ
At 5:49 AM,
AZ said…
التصميم فضلة خير عمكوا عماد. سقفولووووووووووووووو
At 6:50 AM,
ماشى الطريق said…
أدينى فى الهايف وانا أحبك يا فننس
At 11:25 AM,
Zeryab said…
يا مساء الدلع اللى هيحصل
At 2:12 AM,
Polka Dotted said…
Mabrook ya Az 3al blog el gedid.. akid 7ayeb2a gamed :D
el design wahmy (thanks to 3emad as i read , though I dunno him)
IsA yeb2a eshta bel 3asal
At 2:25 AM,
Polka Dotted said…
3la fekra... momken netla3 e7'wat..
sha5a-BEET/Bata-BEET
salemeely 3al 7agg BEET 3shan b2ale keter mashoftoosh !!!
At 5:23 AM,
AZ said…
والله ممكن انا اسمع انه ككان بيتشاقى كتير فى شبابه
At 3:58 PM,
Mohammad Aboul-wafa said…
ye7'reb beeeeeet el de7kkkkkkk
you guys ROCKKKKKKKKKKKKK
ya3ni ento zalatah :D
wa yabka al so2aal...
2 bean or not 2 bean..."ya3ni 3ayz etneen fool walla la2"
said el ta3magey...errr..hamlet
keep rocking guys
dawemo 3ala al tazallot :D lol
el mela7wes 3ala 3eno
ma7shy...
At 5:10 PM,
Anonymous said…
شخابيطك لوحات فنية باشا والله
انا اعز الشخابيط بعيدا عن الجادون
At 2:36 PM,
واحـــد مـــــن الـنـــاس said…
والله صاحب المدونة دي اكتر من فنان
عبقري والله
At 3:42 AM,
الأستاذ جمال بيه said…
ولا حاجة
على الطلاق والعتاق بالتلاته مافيه أى حاجة
وافرض كمان ان فيه اى حاجة
مفيش اى حاجة
ليه بقى
لإن الحاج كان عاوز كده
ولان الحاج عاوز
يبقى كله معطاء
طب لو الحاج معطاء
يبقى الكل عاوز
حد عاوز يفهم
احتمال
طب روحو للعزبة
http://elezba.blogspot.com
At 7:45 PM,
mai قلم كحل وقلم جاف said…
عاجبني موووت البلوج ده عليه شغل حلو
ولاسلوب لذيذ اخر حاجه
:))))))
At 5:30 PM,
Old Blogger said…
:)
:)
:)
Post a Comment
<< Home