sha-5a-beet

shebak we balkona welwad sabalona

Sunday, April 02, 2006

الجزء التانى

يتم عقد قمة ثنائية مشتركة عاجلة بين كل من الست بلكونه والواد سبالونة لمناقشة الوضع الراهن وتنتهى المباحثات بالاتفاق على ضرورة الانتقام من الجانى فى الواقعة المذكورة فى الجزء السابق.. هذا ولاتزال خطة الانتقام فى اطار السرية التامة.. كان هذا الموجز واليكم النشرة بالتفصيل
بلكونه واقفه على الرصيف مستنيه الواد شباك عشان رايحين السيما.. يقترب سبالونة فى حرص ويوريها الصوره جسم الجريمة
سبالونة: عاجبك كده ياست هانم.. آدى اخرة دلعك فيه... عشان ميت مره اقولك الواد ده مايجيش بالحنيه وانتى متسمعيش الكلام
بلكونة: متخافش يا سبالونة... هو الجانى على روحه.. واذا كان فاكر نفسه شباك ضرفتين فانا بلكونه اربع ضرف.. وشنكل

Image hosting by Photobucket



Tuesday, March 21, 2006

صورة جماعية


فى يوم من الايام قرر الاصدقاء انهم ياخدوا صورة مع بعض .. و دى كانت النتيجة


Friday, March 10, 2006

اذا .. فهى الحرب


مساء الخير با جماعة ..
أعرفكم بنفسى ..
أنا شبـــاك
كتير منكم يعرفونى من فترة
جابتنى الظروف فى المستدونة دى .. عشان اعرف البت بلكونة ام شبشب دى مقامها
طبعا دى منافسة بسيطة جدا بالمقارنة بالمعارك اللى خضتها قبل كدة
و طبعا هيكون اثبات نجوميتى سهل جدا فى وسط كومبارس مجاهيل هنا

طبعا انتوا لاحظتوا انها هى اللى استفزتنى الاول


اذا .. فهى الحرب
(صوت طرقعة شبشب تبتعد حتى تتلاشى)


Thursday, March 09, 2006

عواف


(صوت طرقعه شبشب تقترب) تك..تك..تك..تك ...
(تظهر بت كده مستحجبه)....
عَوَاف.. محسوبتكو تبقى بلكونة... اسمى بلكونة... بنت ام بلكونة.. رمانى القدر فى المستدونة دى عشان اقرف الواد شباك فى عيشتو... حاكم فاكر نفسه نجم ميعرفش انه حتة كومبارس.. يالله نهايتو انتو عارفين طبعا مين نجمة المستدونة دى.. ينوبكوا فيه ثواب تفهموه احسن حالته خِطره.. فوتكوا بعافية.....
(صوت طرقعة شبشب تبتعد حتى تتلاشى)


Tuesday, March 07, 2006

استفتتاحية

تحذير
ينصح بابتعاد الناس المسأفين (المثقفين سابقا) والمتحزلئين (المتحذلقين لاحقا) والحوامل ومرضى الفتاق والضغط والسكر والكلالى المزمنه..
والمستدونه غير مسئوله عن تضخم لوز البعض ( او حدوث اى مضاعفات) من جراء الهيافه الشديده لمحتويات المستدونه...
الجادون يمتنعون
إقرار
نقر نحن المستوقعين ادناه انه فى هذا اليوم فى ساعته وتاريخه قمنا باستفتاح هذه المدونه استفتاحه قشطه بعون الله...
اما بعد
ايمانا منا بأهمية وحتمية ولابدية فض الاشتباك بين السمك واللبن والتمر الهندى قمنا بإنشاء هذه المستدونة المخصصة لهذا الغرض فقط لا غير واذا لمح حد اى تشابه مع اى قضايا اخرى.. طلاق تلاته وانشالله ماوعى ماشوف عيالى اللى لسه ماخلفتهمش فهو تشابه غير مقصدون مقصدون مقصوووووود يا ولدى.....واى تشابه مقصود بين الشخصيات المرسومه وبين ايه زى وشباك فهو تشابه غير مقصود خالص.. مالص.. واكيد بالص..
زورونا تجدوا ما يَهِفّكم
المستوقعين ادناه
احنا الجوز